Trouamtners

In Bûtengewoan Amtner fan de Boargerlike Stân (BABS) of trouamtner slút út namme fan de gemeente it houlik of registrearre partnerskip. Gemeente Smellingerlân hat 8 betûfte trouamtners yn tsjinst. Sy stelle harrensels hjirûnder graach oan jo foar. Jo kinne jo foarkar fan trouamtner oan ús trochjaan.

Us trouamtners

Trouamtner út in oare gemeente

Neist ús eigen trouamtners kinne jo ek kieze foar in trouamtner (BABS) út in oare gemeente.

Betingsten:

  • Dy persoan is beneamd en beëdige as BABS yn in oare Nederlânske gemeente.
  • Dy persoan fiert noch aktyf de taken fan in BABS út.

As jo kieze foar in trouamtner út in oare gemeente dan sil dyjinge foar ien dei beneamd wurde yn gemeente Smellingerlân. De trouamtner krijt dêr gjin fergoeding foar. De beneaming is net besoldige.

Fersyk yntsjinje

Jo kinne in fersyk foar in BABS foar ien kear by ús yntsjinje. Dat kin oant 6 wike foar it houlik of registrearre partnerskip. Neam yn jo fersyk:

  • jo folsleine nammen
  • jo adres
  • jo telefoannûmer
  • troudatum
  • tiidstip en lokaasje fan de trouseremoanje

Trouamtner foar 1 dei

Wolle jo graach troud wurde troch in freon of famyljelid? Dat kin!

Betingsten:

  • Oanleverje Ferklearring Omtrint Gedrach (VOG).
  • Petear op it gemeentehûs.
  • Beëdiging by de rjochtbank (dat wurdt oanfrege troch de gemeente).
  • De trouamtner foar 1 dei folget in training om it houlik te sluten.

Fersyk yntsjinje

Jo kinne in fersyk foar in trouamtner foar 1 dei by ús yntsjinje. Dat kin oant 3 moanne foar it houlik of registrearre partnerskip. Neam yn jo fersyk:

  • jo folsleine nammen
  • jo adres
  • jo telefoannûmer
  • troudatum
  • tiidstip en lokaasje fan de trouseremoanje