Hoarekafergunning drûge hoareka
Hawwe jo in hoarekabedriuw, mar skinke jo allinnich alkoholfrije dranken? Dan hawwe jo in hoarekafergunning drûge hoareka en in eksploitaasjefergunning nedich. Foar in terras freegje jo in terrasfergunning oan. Jo kinne alle nedige fergunningen yn ien kear oanfreegje.
Belje foar in ôfspraak: 0512 581234
Betingsten
Foar in drank- en hoarekafergunning drûge hoareka moatte jo oan de neikommende betingsten foldwaan:
- Jo bedriuw stiet ynskreaun by de Keamer fan Keaphannel (KvK).
- Jo bedriuw hat op syn minst ien romte mei in minimale oerflakte fan 35 m2.
- Jo bedriuwspân foldocht oan it Beslút Bouwurken Leefomjouwing (Bbl).
Betingsten liedingjaanden
Wy stelle ek easken oan de liedingjaanden yn jo bedriuw. Op syn minst twa liedingjaanden foldogge oan de neikommende easken:
- Se binne 21 jier of âlder.
- Se foldogge oan in tal easken wat de seedlikens en moraliteit oangiet. Dat betsjut bygelyks dat in liedingjaande gjin strafbere feiten begien hat. Wy dogge dêr in antesedinte-ûndersyk nei.
- Se steane net ûnder kuratele.
- Se steane ynskreaun yn it Register Sosjale Hygiëne.
Liedingjaanden tafoegje of fuorthelje
Kosten
De kosten (leezjes) foar it yn behanneling nimmen fan in oanfraach binne:
| Fergunning | Kosten |
|---|---|
| Hoarekafergunning drûge hoareka | € 96 |
| Eksploitaasjefergunning | € 150 |
| Terrasfergunning | € 34,60 |
| Terras de m2 | € 13,80 it jier |
Oanfreegje
Foar it oanfreegjen fan fergunningen foar drûge hoareka meitsje jo in ôfspraak op it gemeentehûs. Belje dêrfoar nei 0512 581234.
Nei jo oanfraach
Nei jo oanfraach kontrolearje wy oft jo oanfraach foldocht oan de Algemiene Pleatslike Feroardering Smellingerlân, de Drank- en Hoarekaferoardering Smellingerlân en de Wet Bibob. Jo krije binnen 8 wike nei jo oanfraach berjocht.