Subsydzje Europees Sociaal Fonds (ESF)

Tanksij de subsydzje Europees Sociaal Fonds (ESF) hat gemeente Ljouwert foar de arbeidsmerkregio Fryslân subsydzjejild krigen om minsken gelikense kânsen te bieden. Minsken dy't muoite hawwe om wurk te finen, krije stipe en trainingen tanksij dy subsydzje.

De ESF-subsydzje soarget derfoar dat elkenien meidwaan kin en in moaie takomst hawwe kin. It makket net út wêr't jo wei komme of wa't jo binne. Dat is net allinnich belangryk foar de minsken om wa't it giet, it draacht ek by oan in sterkere en fearkrêftige mienskip. De gemeente Ljouwert is de sintrumgemeente foar de arbeidsmerkregio Fryslân. Gemeente Ljouwert hat de ESF-subsydzje oanfrege út namme fan in grut tal Fryske gemeenten, wêrûnder de gemeente Smellingerlân.

Europeeske subsydzje om minsken oan it wurk te helpen

De gemeente Smellingerlân wol dat elkenien de kâns kriget om te wurkjen. Tanksij dat jild kin de gemeente Smellingerlân in grutter tal minsken begeliede ûnderweis nei wurk. Ek kinne der mear re-yntegraasjetrajekten oanbean wurde. De subsydzje is spesjaal rjochte op:

• Minsken dy't in útkearing krije
• Jongerein
• Net-útkearingsberjochtigen
• Minsken mei in langduorjende sykte, oandwaaning of handicap
• Flechtlingen mei ferbliuwsstatus