Paspoart
Mei in jildich paspoart kinne jo jo identifisearje. Jo kinne it paspoart ek brûke om nei oare lannen te reizgjen.
Paspoart oanfreegje
In paspoart freegje jo persoanlik oan. Dat jildt foar alle leeftiden. Meitsje in ôfspraak om it paspoart oan te freegjen.
Paspoart oanfreegje op ôfspraak
Jonger as 18 jaar
Bern en jongerein oant 18 jier hawwe foar it oanfreegjen fan in paspoart tastimming nedich fan alle gesachhawwers. Tastimming jouwe jo online mei DigiD. Kom tegearre mei jo minderjierrich bern nei it gemeentehûs foar de oanfraach.
Online tastimming jaan (mei DigiD)
Slagget it net om online tastimming te jaan? Folje dan it tastimmingsformulier (pdf) yn.
Paspoart ophelje
Hawwe jo in nij paspoart oanfrege? Dan meitsje jo in nije ôfspraak (foar jo bern) om it paspoart op te heljen. Soargje derfoar dat der op syn minst 7 dagen tusken dy twa ôfspraken sitte. It duorret likernôch in wike foardat it paspoart foar jo of jo bern klearleit. Meitsje in ôfspraak om it paspoart op te heljen.
Mear ynformaasje oer paspoarten en identiteitskaarten fine jo op de webside fan de Ryksoerheid.
Paspoart kwyt
Binne jo jo paspoart kwyt? Meld dy fermissing online mei jo DigiD.
Melde fermissing paspoart (mei DigiD)
Fine jo jo paspoart werom nei de melding? Leverje it dokumint dan yn by de gemeente. Slagget it net om de fermissing online te melden? Meitsje dan in ôfspraak.
Meinimme
Kom goed taret op de ôfspraak. Fan de leeftiid fan 12 jier ôf nimme wy fingerprinten ôf. Soargje der dêrom foar dat jo fingers goed skjin binne. Fierders moatte jo in tal saken meinimme nei de ôfspraak:
- Alle jildige én ferrûne paspoarten en identiteitskaarten dy't jo hawwe;
- Pasfoto dy't net âlder is as 6 moanne en dy't foldocht oan 'e easken;
- Kontant jild of in pinpas. Jo betelje by de oanfraach.
Haastoanfraach
Doch in haastoanfraach as jo it paspoart flugger nedich hawwe. Foar in haastoanfraach moatte jo ekstra betelje. Freegje jo it paspoart foar 14.00 oere oan, dan leit it paspoart uterlik twa wurkdagen letter fan 10.00 oere ôf foar jo klear. Meitsje foar it opheljen fan it paspoart in ôfspraak.
Kosten
| Soart paspoart | Kosten | Jildigens |
|---|---|---|
| 18 jier en âlder | € 86,00 | 10 jier |
| Jonger as 18 jier | € 65,00 | 5 jier |
| Sakepaspoart | € 86,00 | 10 jier |
| Twadde paspoart | € 86,00 | 2 jier |
| Flechtlingepaspoart | € 65,00 | maksimaal 5 jier |
| Frjemdlingepaspoart | € 65,00 | maksimaal 5 jier |
| Haastoanfraach | € 59,10 (+ kosten paspoart) |
Foar in twadde paspoart jilde spesjale betingsten. Sjoch dêrfoar op Ryksoerheid.