Sjenswize yntsjinje

Binne jo it net iens mei in foarnommen beslút fan de gemeente? Soms kinne jo in sjenswize yntsjinje.

Dit moatte jo witte

• In sjenswize is in miening oer in foarnommen beslút of plan fan de gemeente. Yn guon gefallen nimt de gemeente net daliks in beslút, mar komt der earst in foarnommen beslút. Yn in sjenswize beskriuwe jo mei hokker punten dêrfan jo it wol of net iens binne en wêrom. Dy punten kin de gemeente dan noch meinimme yn it definitive beslút.
• Jo sjenswize yntsjinje oer in foarnommen beslút? Yn de bekendmakking lêze jo oft en hoe’t jo in sjenswize yntsjinje kinne.
• By guon besluten stjoert de gemeente in brief dêr’t sy har plannen yn útleit. De gemeente stjoert dy brief nei de oanfreger en oare belanghawwenden. Krije jo sa’n brief? Dan meie jo jo sjenswize yntsjinje. Hoe’t jo dat dogge, stiet yn de brief.
• Hawwe jo jo sjenswize yntsjinne, mar binne jo it net iens mei it úteinlike beslút? Meitsje dan beswier. Soms kinne jo berop ynstelle. As dat sa is, dan stiet dat ûnderoan it beslút.