Evenemintefergunning
Organisearje jo in evenemint? Freegje dan in evenemintefergunning oan. In evenemint is bygelyks in iepen dei, in doarpsfeest of in oare grutte aktiviteit.
Melding of fergunning
Foar in lyts evenemint is in melding genôch. In lyts evenemint is bygelyks in festiviteit fan ien dei, wêrby't gjin iten en drinken ferkocht wurdt. By it ynfoljen fan it online formulier sjogge jo oft jo in melding dwaan moatte of in fergunning oanfreegje moatte.
Jo kinne it formulier tuskentiids opslaan om der op in letter stuit mei fierder te gean. Dat is allinnich needsaaklik by grutte eveneminten. Dêrfoar logge jo wer yn op: https://loket.smallingerland.nl/dossiers. Jo fine it tuskentiids opsleine formulier ûnder it tabblêd 'Tijdelijk opgeslagen'.
Evenemintefergunning oanfreegje of melding dwaan
Betingsten
- Freegje jo fergunning rom yn 't foar oan. Leafst 8 wike yn 't foar foar lytse eveneminten en foar hiel grutte eveneminten 12 wike.
- Lês it risicoclassificatieformulier goed troch.
- Heakje in draaiboek fan it evenemint ta oan jo fergunningsoanfraach. Jo kinne dêr it foarbyld fan in draaiboek (Word) foar brûke.
Kosten
| Soarte fan evenemint | Kosten |
|---|---|
| Lyts evenemint | €125,00 |
| Middelgrut evenemint | €187,00 |
| Grut evenemint | €2.337,00 |
| Sneupersmerk | €50,00 |
Ferkearsregelers
Sille jo ferkearsregelers ynsette? Sy binne ferplichte in ynstruksjekursus te folgjen en eksamen te dwaan. Sjoch op www.verkeersregelaarsexamen.nl.