Feroaringen trochjaan by útkearing
As jo in útkearing of ynkommen fan de gemeente krije, binne jo ferplichte feroaringen yn jo persoanlike situaasje oan ús troch te jaan. Doch dat altyd sa fluch mooglik, yn alle gefallen binnen 7 wurkdagen nei de feroaring. Stjoer eventuele bewiisstikken mei.
Digitaal feroaringen trochjaan
Feroaring yn jo wen- en leefsituaasje
Jou it oan ús troch as der in partner, bern of hierder by jo komt te wenjen. En ek as jo tydlik earne oars ferbliuwe, bygelyks yn it sikehûs of yn 'e finzenis.
Feroaring yn ynkomsten
Jou feroaringen yn jo ynkomsten of dy fan jo partner ek oan ús troch. Bygelyks as jo foar it earst ynkomsten krije of as jo ynkomsten stopje, of de weromjefte fan 'e Belestingtsjinst oer in tiidrek dat jo bystân krigen.
Feroaring yn besittingen en skulden
Jou it oan ús troch as jo fermogen feroaret. It giet om alle feroaringen, ek as dy it totaal fan jo fermogen net feroarje. Tink oan jeften, erfenissen of prizen, mar ek oan belestingweromjeften en betellingen oer in perioade foardat jo bystân krigen.
In oare auto mei kenteken
As jo in oare auto mei kenteken hawwe, jou dat dan oan ús troch. Behalven om auto's, kin it ek gean om bygelyks motoaren, brommers, scooters, snorfytsen, campers, caravans of oanhingweinen. Auto's âlder as 7 jier telle net mei. Lit it ús ek witte as jo regelmjittich in auto fan in oar brûke.
Fakânsje of ferbliuw earne oars
Jou it oan ús troch as jo op fakânsje binne of om in oare reden yn it bûtenlân ferbliuwe.
Feroaring yn oplieding, staazje of wurk
As jo begjinne mei in oplieding, staazje of frijwilligerswurk, jou dat dan oan ús troch. Of wannear't jo oplieding, staazje of frijwilligerswurk ophâldt. Lit it ús ek witte wannear't jo ynwenjende bern begjinne op ophâlde mei in oplieding.
Feroaring fan kontaktgegevens
Jou feroaringen fan jo kontaktgegevens oan ús troch. Bygelyks in oar rekkennûmer, e-mailadres of telefoannûmer.
Stopsette útkearing
Wolle jo jo útkearing of de bysûndere bystân stopsette? Jou dat oan ús troch.